Materi Basa Jawa Kls 7 : 1. TEKS TANGGAPAN DHESKRIPTIF

TEKS TANGGAPAN DHESKRIPTIF

 

1.         TEGESE TEKS TANGGAPAN DHEKRIPTIF

Yaiku Teks sing isine nggambarake objek kanthi gamblang lan rinci.

 

2.         TITIKAN/ CIRI TEKS TANGGAPAN DHESKRIPTIF

Ø Nggambarake panggonan, wong, barang, kahanan nganggo pancadriya.

Ø Ancase supaya wong sing maca kaya-kaya melu ngrasakake utawa ndeleng dhewe marang obyek sing digambarake.

Ø Titikane obyek diadharake kanthi gamblang lan terang trawaca.

 

3.         STRUKTUR TEKS TANGGAPAN DHESKRIPTIF


 

Katrangan:

Ø  Identifikasi nuduhake ciri, barang, tandha, lan sapanunggalane.

Ø  Klasifikasi/definisi medharake kelompok utawa panerang lan sapanunggalane.

ØDeskripsi bagian nuduhake babagan gegambaran ing sajrone teks.


1.         UNSUR BASA ING TEKS TANGGAPAN DHESKRIPTIF

a.    Swara Jejeg lan Swara Miring

Swara Jejeg yaiku swara sing durung owah saka pangucapan asale.

Swara miring yaiku swara sing wis owah saka pangucapan asale.

Tuladhane:

Swara (vokal)

Jejeg

Miring

 

a

widada

dumadi

tumata

palupi

lara

dadi

 

i

wadi

manis

wirama

guling

gati

jarit

 

u

lunga

sarung

madu

marmut

palupi

alus

 

e

sate

golek

wedang

mewek

suwe

kopen

e pepet

sega, sepet, lega, lepet, merem, lan sapanunggalane

 

o

soto

bolong

loro

dados

obat

Klobot

 

b.    Tembung Lingga

Tembung lingga yaiku sakabehane tembung kang durung owah saka asale. Tuladha: kali, tuku, dom, susuk, meja, gelar, sapu, lan sapanunggalane.


c.    Tembung Andhahan

Tembung andhahan yaiku tembung kang wis owah saka asale utawa tembung kang wis owah saka linggane. Ngowahi utawa ndhapuk tembung lingga dadi tembung andhahan iku diarani ngrimbag. Dene pangrimbage tembung lingga dadi tembung andhahan iku kanthi cara 3 warna, kaya kang kaandharake ing ngisor iki.


1)    Karana Kawuwuhan

Wuwuhan ing basa Jawa kaperang dadi 3, yaiku ater-ater, seselan, lan panambang.

a)     Ater-ater

Ater-ater yaiku wuwuhan kang manggon ing sangarepe tembung lingga. Wujude ater-ater bisa digolongake dadi 5 (limang) warna bisa kadulu ing ngisor iki.

1.         Ater-ater anuswara (m-, n-, ng-, ny-)

Ater-ater anuswara digunakake kanggo ngrimbag tembung lingga dadi tembung kriya tanduk.

Tuladha : m + pacul = macul

                n + tulis = nulis

                ng + goreng = nggoreng

                ny + sunggi = nyunggi

2.   Ater-ater tripurusa (dak-, kok-, di-)

Ater-ater tripurusa digunakake kanggo ngrimbag tembung lingga dadi tembung kriya tanggap.

Tuladha : dak + silih = daksilih

                kok + gawa = kokgawa

                di + tuku = dituku

3.         Ater-ater sa-, pa-, pi-, pra-, tar-, ka-

Tuladha : sa + piring = sapiring

                pa + karya = pakarya

                pi + wulang = piwulang

                pra + tandha = pratandha

                tar + buku = tarbuka

                ka + waca = kawaca

4.   Ater-ater kuma, kami, kapi

    Ater-ater iki digunakake kanggo ngrimbag tembung lingga dadi tembung kahanan.

Tuladha : kuma + wani = kumawani

                kami + tuwa = kamituwa

                kapi + lare = kapilare

5.    Ater-ater a- lan ma-

    Ater-ater a- lan ma- digunakake kanggo ngrimbag tembung lingga dadi tembung pepaesan utawa tembung ing basa endah (sastra).

Tuladha : a + klambi   = aklambi

ma + guru   = maguru 

b)    Seselan

Seselan yaiku wuwuhan kang manggon ing satengahing tembung. Nanging yen wiwitane tembung lingga arupa aksara urip (vokal), seselan manggon ing sangarepe tembung lingga. Seselan wujude ana 4, yaiku -um-, -in-, -er-, lan -el- 

Tuladha : -um- + gelar = gumelar

            -in- + tulung        = tinulung

            -er- + kelip         = kerelip

            -el- + kumbruk = kelumbruk

c)    Panambang

     Panambang yaiku wuwuhan kang manggon ing samburine tembung. Wujude panambang yaiku -a, -i-, -e, -en, -an, -ana, -ake, -ne, -na, -ku, -mu.

        Tuladha : turu + a            = turua

                    usap + i              = usapi

                    simbah + e         = simbahe

                    cekel + en          = cekelen

                    lungguh + an      = lungguhan

                    timbal + ana       = timbalana

                    kirim + ake        = kirimake

                    gulu + ne            = gulune

                    tutup + na           = tutupna

                    ibu + ku              = ibuku

                    meja + mu         = mejamu

2)       Karana Karangkep

        Ngrangkep (mengulang) tegese ngucapake ambal kaping loro tembung linggane utawa perangan tembung linggane. Wujude tembung rangkep ana telu.

        a)    Tembung rangkep dwipurwa

             Dwipurwa yaiku tembung kang dirangkep wanda wiwitane (purwane).

              Tuladha : tuku  à tetuku

              Lunga à lelunga

             Resik à reresik

b)    Tembung rangkep dwilingga

    Dwilingga yaiku tembung kang dirangkep linggane. Dwilingga kaperang dadi loro yaiku:

1. Dwilingga wutuh/bares, yaiku tembung lingga kang diunekake kaping pindho.

Tuladha :cilik à cilik-cilik

Bocah à bocah-bocah

Nakal à nakal-nakal

2. Dwilingga salin swara, yaiku tembung lingga kang diunekake kaping pindho nanging ana wandane kang owah swarane.

Tuladha : bali à bola-bali

Takon à tokan-takon

Celuk à celak-celuk

c)    Tembung rangkep dwiwasana

Dwiwasana yaiku tembung kang dirangkep wanda pungkasane (wasanane).

Tuladha : bekur à bekuk

Cengis à cengingis

Jegog à jegogog

3) Karana Kacambor

Kacambor tegese digandheng dadi siji. Mula tembung camboran yaiku tembung loro utawa luwih kang digandheng dadi siji lan ngemu teges anyar. Wujude tembung camboran ana loro sing bisa didulu ing ngisor iki.

a)     Camboran wutuh

Camboran wutuh tegese tembung sing dicambor awujud tembung wutuh.

Tuladha : naga + sari = nagasari

mara+ tuwa = maratuwa

guyup + rukun = guyup rukun

b) Camboran wacaha/ tugel

Camboran wacahan/tugel tegese tembung sing dicambor salah siji utawa kabeh (loro karone) awujud wancahan. Camboran wancahan kaperang dadi loro.

1.    Wancahan sesisih utawa salah sijine wanda disuda.

Tuladha : adol-tinuku àdol-tinuku

ilir-ilir à lir-ilir

anak-sanak à nak-sanak

2. Wancahan kabeh utawa kabeh wandane disuda.

Tuladha : bapak gedhe à pakdhe

bang ijo à bangjo

legi panas kenthel à ginasthel

Komentar

Posting Komentar

Postingan populer dari blog ini

MATERI BASA JAWA 7: 3. TEKS CRITA WAYANG

  CRITA WAYANG Teks crita wayang kalebu teks narasi. Titikane teks narasi, kaya ing ngisor iki: a.      Wujude wacan narasi bisa dideleng saka perangan wewangunan utawa struktur sing bisa mangun wacan lan perangan basa kang dumadi saka panganggone tembung, lan ukara. b.      Tujuan panulisan lan pamacane wacan narasi kuwi kanggo panglipur sing bisa dijupuk pesan moral/nilai budi pekerti, lan hikmahe. c.       Fungsi wacan narasi saliyane wujud medhar gagasan lan ide, uga kanggo marisake nilai budi pekerti luhur.   STRUKTUR TES CRITA WAYANG 1.      Orientasi/ tetepungan yaiku nepungake/ngenalake paraga, papan panggonan, lan wektu kang bakal diandharake ing sajrone crita wayang. 2.      Komplikasi /reruwet yaiku perangan teks crita wayang kang nuduhake tuwuhe reruwet/ konflik. 3.      Resolusi /udharan yaiku perangan ing t...
Baca selengkapnya

MATERI BASA JAWA KELAS 9 : 3. PANATACARA LAN PAMEDHAR SABDA ( PIDHATO)

  PANATACARA LAN PAMEDHAR SABDA Yaiku ngomong ing ngarepe wong akeh kanthi ancas lan tujuwan tartamtu. A.      Tata rakite (Struktur teks) Panatacara lan pamedhar Sabda 1.       Salam pambuka, yaiku salam pakurmatan marang para tamu/rawuh utawa sing kepareng rawuh. Isine atur salam pakurmatan marang para rawuh lan sapa aruh tumrap para rawuh. Lumrahe kawiwitan kanthi tembung Assalamu'alaikum wr.wb., nuwun, kula nuwun, sugeng siyang, sugeng dalu, utawa salam liyane. 2.       Purwaka, yaiku atur pamuji syukur marang Gusti Allah, sarta atur panuwun marang para tamu sing kepareng rawuh. Saliyane iku uga bisa diwuwuhi, shalawat lan salam konjuk marang Nabi Muhammad SAW, mligine yen agamane Islam. 3.       Isi/wigatining atur/ancasing gati, yaiku apa kang dadi ancas/tujuwan adicara kang diadani dening panatacara utawa pamedhar sabda. Ing kene ye...
Baca selengkapnya

MATERI BHS. JAWA KLS 7: 4. TEMBANG KREASI

  TEMBANG KREASI   1.    TEGESE Tembang kreasi nuduhake salah sawijine karya sastra kang awujud geguritan. Ing kasusastran Jawa tradhisional, tembang iku mung kaperang dadi tembang macapat, tembang tengahan, lan tembang gedhe. Nanging ing pangrembakane jaman, tembang tradhisional kasebut di kreasi tanpa paugeran-paugeran kayadene ing tembang tradhisional. Wujude tebang kreasi ana loro, yaiku tembag campur sari lan tembang dolanan.   2.    TATA WANGUNE TEMBANG KREASI a.          Titi Laras Titi laras yen ana ing istilah seni musik saemper karo tangga nada . Asale saka tembung titi kang ateges angka, tulis, notasi, utawa lambang lan l aras tegese susunan nada. Dadi titi laras iku notasi tulis, huruf, angka utawa lambang kang nuduhake laras tartamtu. Titi laras, utawa cukup diucapake laras, kaperang dadi loro, yaiku: 1)      Laras slendro ‟Slendro‟ iku salah sijine lara...
Baca selengkapnya